ملک میں کورونا کے کیسز میں کمی کا رجحان جاری

اسلام آباد: ملک میں کورونا کے کیسز میں کمی کا رجحان جاری،،چوبیس گھنٹوں میں 78 نئے کیسز رپورٹ ہوئے،ایک شخص وبا کے ہاتھوں دم توڑ گیا۔

این آئی ایچ کے اعدادو شمار کے مطابق گزشتہ روز 22ہزار361کورونا کے ٹیسٹ کیے گئے جن میں سے صرف 78افراد میں کورونا وائرس کے تصدیق ہوئی اس طرح سے کورونا کے نئے مریضوں کی شرح0.35فیصدریکارڈکی گئی۔

گزشتہ روز کورونا کی وبا سے ایک شخص کا انتقال ہوا جس سے ملک میں ہلاکتوں کی مجموعی تعداد30ہزار364 ہوگئی ہے۔ ملک میں کورونا کے مجموعی کیسز کی تعداد 15لاکھ 27ہزار326 ہوگئی ہے۔گزشتہ چوبیس گھنٹوں کے دوران 56 مریض وبا سے صحت یاب ہوئے جس سے شفایاب ہونے والوں کی مجموعی تعداد14لاکھ 93ہزار662 ہوگئ ہے،209 مریضوں کی حالت تشویشناک ہے۔

این آئی ایچ کے مطابق سب سے زیادہ کورونا کے مریض صوبہ سندھ سے سامنے آئے جہاں سے ا ب تک 5لاکھ 76ہزار 570کورونا کے مریض سامنے آئے جبکہ پنجاب سے 5لاکھ 5ہزار 690کورونا کے مریض سامنے آئے ۔

This website uses cookies to improve your experience. We'll assume you're ok with this, but you can opt-out if you wish. Accept Read More