آرمی چیف سے کماندڑ کانگو آرمی کی ملاقات، علاقائی سیکیورٹی پر گفتگو

اسلام آباد: آرمی چیف جنرل قمر جاوید باجوہ سے کانگو کی آرمی کے کمانڈر نے ملاقات کی جس میں باہمی دلچسپی اور علاقائی سیکیورٹی کے امور پر تبادلہ خیال کیا گیا۔

آئی ایس پی آر کے مطابق آرمی چیف اور کانگو آرمی کے کمانڈر کے درمیان ملاقات میں باہمی تعاون اور تربیتی امور بھی زیر غور آئے۔ اس موقع پر گفتگو کرتے ہوئے جنرل قمر جاوید باجوہ کا کہنا تھا کہ پاکستان فوج اقوام متحدہ کی چھتری تلے فروغ امن میں کردار کے لیے پرعزم ہے ۔پاکستان نے امن کیلئے گراں قدر قربانیاں دی ہیں۔

آرمی چیف کا کہنا تھا کہ پاکستان کانگو کو ایک اہم ملک تصور کرتا ہے اور خطے میں امن کے لیے کانگو کی کوششیں بھی گراں قدر ہیں۔کانگو کے کمانڈر نے امن مشن کے لیے مسلح افواج کی خدمات کوسراہا۔دونوں افواج کے مابین مختلف امور پر تعاون بڑھانے کے عزم کا بھی اعادہ کیا۔

This website uses cookies to improve your experience. We'll assume you're ok with this, but you can opt-out if you wish. Accept Read More