ڈس انفارمیشن کےسدباب کیلیےمل کرکوششیں کرنا ہوں گی، آرمی چیف

آرمی چیف جنرل قمر جاوید باجوہ نے کہا ہے کہ ڈس انفارمیشن مہم کے سدباب کے لیے سب کو مل کر کوششیں کرنا ہوں گی۔

آئی ایس پی آر کے مطابق آرمی چیف جنرل قمر جاوید باجوہ نے لاہور کور ہیڈکوارٹر کا دورہ کیا، اس موقع پر انہیں کوفارمیشن کے مختلف امور پر بریفنگ دی گئی۔

بعد ازاں آرمی چیف نے مختلف جامعات کےوائس چانسلرز، اساتذہ، طلبہ سے تبادلہ خیال کیا، جن میں لمز، یوای پی، پنجاب یونیورسٹی، گورنمنٹ کالج اورایل ایس ای کےطلبہ واساتذہ شامل تھے، آرمی چیف نے طلبہ کو بامقصد شہری بنانے میں تعلیمی اداروں کے کردار کو سراہا۔

آئی ایس پی آر کے مطابق اس موقع پر آرمی چیف جنرل قمر جاوید باجوہ نے کہا کہ تعلیم، صحت، ماحولیات میں ہیومن ڈیویلپمنٹ کی اشدضرورت ہے۔

آرمی چیف کا کہنا تھا کہ غلط اطلاعات کی وجہ سے لوگوں کی رائےمتاثرہوتی ہے اور ریاست کی یکجہتی کوخطرات لاحق ہوتےہیں ڈس انفارمیشن مہم کےسدباب کے لیے مل کرکوششیں کرناہوں گی۔

آئی ایس پی آر کے مطابق اس موقع پرکورکمانڈرلیفٹیننٹ جنرل محمدعبدالعزیزبھی موجودتھے۔

This website uses cookies to improve your experience. We'll assume you're ok with this, but you can opt-out if you wish. Accept Read More