پاکستان امریکا سے امداد نہیں تجارت چاہتا ہے،بلاول بھٹو

وزیر خارجہ بلاول بھٹو زرداری نے کہا ہے کہ پاکستان امریکا سے امداد نہیں تجارت چاہتا ہے ، انتہا پسندی کے خلاف لڑائی جاری رہے گی،افغان کے مسئلے کو عالمی برادری کے ساتھ مل کر حل کرناہوگا۔

امریکی ٹی وی کو دیے گئے انٹرویو میں بلاول بھٹو زرداری نے کہا کہ موجودہ افغان حکومت نے خواتین کی تعلیم کی یقین دہانی کرائی ہے۔وزیر خارجہ بلاول بھٹو زرداری نے کہا ہے کہ اسلامی تعلیمات میں خواتین کی تعلیم پر زور دیا گیا ہے۔وزیر خارجہ نے مزید کہا کہ پرامید ہیں کہ نئی افغان حکومت خواتین سے متعلق اپنا وعدہ پورا کرے گی۔انہوں نے کہا کہ افغانستان کے عوام کو بہت سے مسائل کا سامنا ہے، اُن کی بڑی تعداد غذائی قلت کا شکار ہے۔بلاول بھٹو زرداری نے کہا کہ افغان مسئلے کے حل کے لئے عالمی برادری کے ساتھ مل کر کام کررہے ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More