آج سے سرپرائز کی سیریز شروع ہو جائے گی،بابر اعوان

اسلام آباد: وزیر اعظم کے مشیر بابر اعوان نے کہا ہے کہ آج سے سرپرائز کی سیریز شروع ہو جائے گی اور سرپرائز وزیر اعظم براہ راست دیں گے۔

پارلیمینٹ ہاوس میں میڈیا سے گفتگو میں بابر اعوان نے کہا کہ سپریم کورٹ نے کہہ دیا ہے کہ اجلاس میں تاخیر نہیں ہوئی۔ 30 سال پہلے بھی پاکستان وکٹری اسٹینڈ پر کھڑا تھا اور آج کے دن کپتان نے ورلڈ کپ جیتا تھا۔ وکٹری اسٹینڈ پر پاکستان ہو گا تحریک انصاف ہو گی۔

انہوں نے کہا کہ اس وقت بھی کہتے تھے کہ عمران خان کمزور ٹیم کے ساتھ جا رہے ہیں تاہم کپتان نے پہلے بھی ورلڈ کپ جیتا تھا اور آج سے سرپرائز کی سیریز شروع ہو جائے گی اور 27 مارچ کا جلسہ سب سے بڑا سرپرائز ہے۔بابر اعوان نے کہا کہ آئین اور قانون کے مطابق کارروائی ہو گی۔ پارٹی سیٹ پر اراکین ووٹ دینے کے پابند ہیں جبکہ کسی اور پارٹی میں شمولیت کی صورت نااہلی ہے۔ آئین میں ہے جو ڈائریکشن کسی پارلیمانی پارٹی کا سربراہ دے گا خلاف ورزی کرنے والا نااہل ہوجائے گا۔

This website uses cookies to improve your experience. We'll assume you're ok with this, but you can opt-out if you wish. Accept Read More