وزیراعظم آزادکشمیر کا مسئلہ کشمیر پر اوآئی سی اجلاس بلانے کا مطالبہ

اسلام آباد: آزادکشمیر کے وزیراعظم سردار عبدالقیوم نیازی نے افغانستان کے مسئلے پر بلائے گئے اوآئی سی وزرائے خارجہ اجلاس کی طرز پر مسئلہ کشمیر پر بھی اجلاس بلانے کا مطالبہ کردیا ۔

کشمیر ہاؤس اسلام آباد میں پریس کانفرنس کرتے ہوئے وزیراعظم آزادکشمیر سردارعبد القیوم نیازی نے کہا کہ چالیس سال پرانے مسئلہ افغانستان پر او آئی سی کا اجلاس بلایا گیا۔74 سالہ مسئلہ کشمیر پر بھی اسی طرح کا اجلاس بلایا جائے۔

عبدالقیوم نیازی نے کہا کہ ہمارے گھر بھارتی توپوں کے سامنے ہیں ۔ اقوام متحدہ نے مسئلہ کشمیر پر سرد مہری کا مظاہرہ کیا۔ مسلم امہ کشمیریوں کے درد کو بھی محسوس کرے ۔ انہوں نے کہا کہ عمران خان نے مسئلہ کشمیر کی اہمیت کو اجاگر کرکے ایک بار پھر واضح کیاکہ خطے کے استحکام کیلئے مسئلہ کشمیر کا حل ضروری ہے۔

سردارعبدالقیوم نیازی کاکہناتھا وزیراعظم پاکستان جہاں بھی گفتگو کرتے ہیں مسئلہ کشمیر ان کی اولین ترجیح ہوتا ہے۔ عمران خان ہی مسئلہ کشمیرحل کرنے کی صلاحیت رکھتے ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More