کرکٹ آسٹریلیا دورہ پاکستان کا فیصلہ آج کرے گا

کرکٹ آسٹریلیا کا اہم اجلاس آج ہورہا ہے جس میں دورہ پاکستان اورشیڈول میں ردوبدل منظوری دی جائے گی۔اجلاس میں کوچ جسٹن لینگر کے مستقبل کا فیصلہ بھی ہوگا۔ منظوری ملنے پرسلیکٹرز ایک ہفتے میں ٹیم کااعلان کریں گے۔ کپتان پیٹ کمنز نے دورہ پاکستان کے لیے مضبوط ٹیم منتخب ہونے کی امید ظاہرکی ہے۔

کرکٹ آسٹریلیا بورڈ کا اہم اجلاس آج ہورہا ہے۔ جس میں دورہ پاکستان کی منظوری اور شیڈول میں ردوبدل کا فیصلہ کیا جائے گا۔ آسٹریلوی ٹیم چوبیس برس بعد تین ٹیسٹ، تین ون ڈے اورایک ٹی ٹوئنٹی میچ کھیلنے پاکستان کا دورہ کررہی ہے۔ سی اے نے دورہ کا آغاز کراچی کے بجائے راولپنڈی سے کرنے کی درخواست کی ہے۔ توقع ہے کہ بورڈ کی حتمی منظوری کے ایک ہفتے میں سلیکٹرز ٹیم کا اعلان کردیں گے۔

کپتان پیٹ کمنز نے دورہ پاکستان کے لیے فل اسٹرینتھ ٹیم منتخب کیے جانے کی امیدظاہرکی ہے۔ انہوں نے کہاکہ دورہ سے قبل سیکیورٹی کا جائزہ لیا جاچکا ہے۔ کھلاڑی دورے کےلیے بہت پرجوش اورپرسکون ہیں اگر کسی نے نہ جانے کا فیصلہ کیا تو ہم اس کا احترام کریں گے۔

This website uses cookies to improve your experience. We'll assume you're ok with this, but you can opt-out if you wish. Accept Read More