افغانستان کی درخواست ‏پر بھارتی گندم کابل لیجانے پرغور کریںگے، وزیراعظم

اسلام آباد:وزیراعظم عمران خان کا کہنا ہے کہ پاکستان افغانستان کوہرممکن معاونت فراہم کرتا رہےگا ۔ ہنگامی طور پر ‏افغانستان کو گندم کی فراہمی یقینی بنائی جائے گی۔

وزیراعظم عمران خان سے عبوری وزیرخارجہ امیر متقی کی قیادت میں وفد نے ‏ملاقات کی جس میں افغانستان اور خطےکی تازہ صورتحال پر گفتگو کی گئی۔ ملاقات میں خزانہ، صنعت وتجارت کےقائم مقام وزراء بھی شریک تھے۔

وزیراعظم عمران خان کاافغان عوام کی ‏مدد جاری رکھنےکےعزم کا اعادہ کرتے ہوئے کہا کہ پرامن،مستحکم، خودمختار اور خوشحال افغانستان پاکستان ‏کے مفاد میں ہے۔ انسداددہشت گردی، افغان عوام کےحقوق اور جامع حکومت سےافغانستان مستحکم ہوگا۔

وزیراعظم نے کہا کہ ‏افغان حکومت کودنیاکیساتھ رابطہ،مثبت اقدامات جاری رکھنا ہوں گے۔ وزیراعظم نے افغانستان کے منجمداثاثوں کو فوری طور پر بحال کرنے پر زور دیتے ہوئے کہا کہ عالمی برادری ‏افغان عوام کو فوری ریلیف فراہم کرے۔

انہوں نے کہا کہ پاکستان افغانستان کو ہنگامی طور پرخوراک اور امداد فراہم کرےگا۔ افغان بھائیوں کی درخواست ‏پر بھارتی گندم افغانستان لے جانے پر غور کریں گے۔

This website uses cookies to improve your experience. We'll assume you're ok with this, but you can opt-out if you wish. Accept Read More