سابق آئی سی سی امپائر اسد رؤف انتقال کر گئے

سابق آئی سی سی امپائر اور پاکستان کے فرسٹ کلاس کرکٹر اسد رؤف دل کی دورہ پڑنے سے انتقال کر گئے۔

اسد رؤف کے بھائی طاہر رؤف نے خبر کی تصدیق کر دی۔ انہوں نے بتایا کہ اسد رؤف بدھ کی رات جب گھر پہنچے تو ان کو ہارٹ اٹیک ہوا جس سے وہ جانبر نہ ہو سکے۔ اسد رؤف لاہور کے رہائشی تھے اور ان کی عمر 66 سال تھی وہ آئی سی سی ایلیٹ پینل امپائرز میں شامل تھے۔

ان کا کیریئر 1998 میں شروع ہوا جب انہوں نے اپنا فرسٹ کلاس ڈیبیو کیا اور 2000 میں وہ اپنے پہلے ون ڈے میں امپائرنگ کی انہیں 2004 میں او ڈی آئی پینل میں شامل کیا گیا اور اگلے سال اپنے پہلے ٹیسٹ میں امپائرنگ کی، اپریل 2006 میں انہیں آئی سی سی ایلیٹ پینل میں مقرر کیا گیا۔ اسد رؤف نے آئی سی سی میں ٹاپ امپائر رہتے ہوئے 170 انٹرنیشنل میچوں میں امپائرنگ کی تھی، انہوں نے 49 ٹیسٹ، 90 ایک روزہ اور 23 ٹوئنٹی 20 انٹرنیشنل میں امپائر کی حیثیت سے کام کیا۔

This website uses cookies to improve your experience. We'll assume you're ok with this, but you can opt-out if you wish. Accept Read More