ایم کیو ایم کا بلدیاتی قانون پر سندھ حکومت کو ٹف ٹائم دینے کا فیصلہ

کراچی: سندھ میں نئے بلدیاتی قانون پر ایم کیو ایم نے سندھ حکومت کو ٹف ٹائم دینے کا فیصلہ کرلیا ۔ ایم کیو ایم پاکستان نے سندھ میں اپوزیشن جماعتوں سے رابطے تیز کر دئیے ہیں ، سندھ اسمبلی سے پاس بلدیاتی قانون کے خلاف اپوزیشن جماعتیں یک زباں ہو گئی۔

ایم کیو ایم پاکستان کے زیر اہتمام بلدیاتی قانون کے خلاف ہونے والی آل پارٹیز کانفرنس میں شرکت کے لیے ایم کیو ایم پاکستان نے مختلف سیاسی جماعتوں سے رابطوں کا اغاز کردیا ۔ ایم کیو ایم پاکستان نے مسلم لیگ ن کارساز اور مسلم لیگ فنکشنل سے راجہ ہاؤس میں ملاقاتیں کیں۔

مسلم لیگ ن کے رہنما محمد زبیر کا کہنا ہے کہ پیپلز پارٹی نے لوکل باڈیز سسٹم پر ایک اور حملہ کیا ہے ۔ ایم کیوایم پی ٹی آئی کی اتحادی ہونے کے باوجود شہر کے لیے آواز اٹھاتی ہے ۔

ایم کیو ایم پاکستان کے سینئر ڈپٹی کنونئیر عامر خان کا کہنا تھا کہ پیپلز پارٹی نے کسی بھی جماعت سے مشاورت کیے بغیر جعلی اور جھوٹی اکثریت سے بل پاس کرایا،اگر اس کے خلاف اسمبلی کا گھیراؤ کرنا پڑا تو وہ بھی کریں گے۔

This website uses cookies to improve your experience. We'll assume you're ok with this, but you can opt-out if you wish. Accept Read More