امین الحق نے پیٹرولیم مصنوعات کی بڑھتی قیمتوں کی وجہ عالمی منڈی کو قرار دے دیا

کراچی: وفاقی وزیرامین الحق نے پیٹرولیم مصنوعات کی بڑھتی قیمتوں کی وجہ عالمی منڈی پر ڈال دی ، انہوں نے کہا حکومت قیمتیں بڑھانا نہیں چاہتی لیکن انٹرنیشنل مارکیٹ میں تیل کی قیمت بڑھی تو بڑھانا پڑی ۔

وفاقی وزیر برائے انفارمیشن ٹیکنالوجی اینڈ ٹیلی کمیونیکشن سید امین الحق نے کراچی ایکسپو سینٹر میں جاری عالمی کتب میلے میں شرکت کے بعد میڈیا سے گفتگو میں کہا کہ آج کے دن سیاسی باتوں سے گریز کروں گا ، آج خوشی کا دن ہے ، کتب میلہ دیکھ کر یوں محسوس ہورہا ہے کہ شہر کراچی کی رونقیں لوٹ آئی ہیں۔

امین الحق نے پیٹرولیم مصنوعات کی بڑھتی قیمتوں کی وجہ عالمی منڈی کو قرار دیتے ہوئے کہا کہ حکومت قیمتیں بڑھانا نہیں چاہتی لیکن انٹرنیشنل مارکیٹ میں تیل کی قیمت بڑھی تو بڑھانا پڑی۔

وفاقی وزیر امین الحق نے منی بجٹ پر کہا کہ پاکستان کی موجودہ صورتحال اب خاصی بہتر ہے ، جہاں جہاں عوام کو فائدہ مل سکے وہاں وہاں کمی کی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More