تازہ ترین
صوبے میں اسمارٹ لاک ڈاؤن کے مثبت نتائج سامنے آرہے ہیں، اجمل وزیر

صوبے میں اسمارٹ لاک ڈاؤن کے مثبت نتائج سامنے آرہے ہیں، اجمل وزیر

پشاور: (05 جولائی 2020) مشیر اطلاعات خیبرپختونخواہ اجمل خان وزیر نے ڈسٹرکٹ ہیڈ کوارٹر ٹیچنگ اسپتال ڈیرہ اسماعیل کا دورہ کیا۔ انہوں نے اسپتال میں کورونا کے حوالے سے کیے گئے انتظامات کا جائزہ لیا۔

میڈیا کو بریفنگ دیتے ہوئے مشیر اطلاعات خیبرپختونخواہ اجمل وزیر نے کہا کہ ڈیرہ اسماعیل کا دورہ وزیراعلیٰ محمود خان کی خصوصی ہدایت پر کیا ہے۔ دورے کا مقصد کورونا کے حوالے سے انتظامات کا جائزہ لینا تھا۔

انہوں نے کہا کہ صوبے میں اسمارٹ لاک ڈاؤن کے مثبت نتائج سامنے آرہے ہیں۔ ڈی آئی خان میں کورونا کیسز میں کمی آئی ہے جو خوش آئند بات ہے۔ خیبرپختونخواہ میں ریکوری ریٹ مزید زیادہ ہورہا ہے۔ ہمارے ڈاکٹرز اور طبی عملہ محدود  وسائل کے باوجود کورونا کے خلاف کامیابی سے نبرد آزما ہیں۔ حکومت نے بجٹ میں صحت کے شعبے کیلئے 124 ارب روپے مختص کیے ہیں۔

مشیر اطلاعات خیبرپختونخواہ کہ ڈیرہ اسماعیل خان موٹروے اور چشمہ رائٹ بینک لفٹ کنال سے جنوبی اضلاع کی تقدیر بدل جائے گی۔ چشمہ رائٹ بینک لفٹ کنال کے حوالے سے گزشتہ دن بھی وزیراعلیٰ محمود خان نے وزیراعظم عمران خان سے ملاقات کی۔ ڈیرہ اسماعیل خان موٹر وے پر فزیبیلٹی مکمل ہونے کے بعد کام شروع کیا جائے گا۔ ضم شدہ اضلاع کی ترقی بھی صوبائی اور وفاقی دنوں حکومتوں کی ترجیحات میں شامل ہے۔ صوبائی اور وفاقی دونوں حکومتوں کے بجٹ میں خطیر رقم مختص کی گئی ہے۔ ضم اضلاع کی 72 سالہ محرومیوں کا ازالہ کیا جائے گا۔ ضم آضلاع کے تمام ترقیاتی پلان وزیراعلیٰ خود مانیٹر کررہے ہیں۔

اجمل وزیر نے کہا کہ نیشنل کمانڈ اینڈ آپریشن سینٹر انتہائی موثر انداز میں کام کر رہا ہے۔ خیبرپختونخواہ کے عوام نے ڈٹ کر مشکل حالات کا مقابلہ کیا ہے۔

انہوں نے کہا کہ قبائلی اضلاع میں صحت انصاف کارڈ کے ذریعے لوگوں کو صحت کی سہولیات فراہم کی جائیں گی۔ موجودہ بجٹ میں صحت انصاف کارڈ کے ذریعے صحت کی سہولیات کیلئے 10 ارب روپے مختص کیے گئے ہیں۔

اجمل وزیر نے مزید کہا کہ غلام خان بارڈر کو افغانستان کے ساتھ تجارت کیلئے کھول دیا گیا ہے۔

Comments are closed.

Scroll To Top