افغانستان کیلیے امداد، پاکستان نے بھارتی درخواست قبول کر لی

اسلام آباد: بھارت سے افغانستان کو گندم اور ادویات فراہمی کے معاملے پر پاکستان نے بھارت کی درخواست پر مزید 2 ماہ کی توسیع کردی۔

اس سے متعلق ترجمان دفتر خارجہ نے بیان جاری کرتے ہوئے کہا کہ افغان عوام کیلئےبھارت واہگہ بارڈر سے افغانستان تک 50ہزار ٹن گندم، ادویات جانےکی منظوری دی گئی تھی۔

گندم اور ادویات فراہم کرنےکی مدت 21مارچ 2022 کو ختم ہوگئی تھی۔ جس کے بعد بھارتی حکومت نے نقل و عمل کو مکمل کرنےکی مدت میں توسیع درخواست کی تھی۔

ترجمان دفتر خارجہ کا کہنا ہے کہ افغانستان میں انسانی بحران سے نمٹنے کیلئے 2 ماہ کی توسیع کی گئی ہے اس متعلق پاکستان نے اسلام آباد میں بھارتی ہائی کمیشن کو فیصلے سے آگاہ کر دیا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More