افغان بارڈر کے قریب سی ٹی ڈی کی کارروائی میں4 دہشتگرد ہلاک

ضلع خیبر میں پاک افغان سرحد کے قریب دہشتگردوں کی اطلاع پر سیکیورٹی فورسز نے کارروائی کر کے 4 دہشتگردوں کو ہلاک کر دیا۔

سکیورٹی ذرائع نے بتایا کہ کارروائی کے دوران 3 دہشتگرد تاریکی کا فائدہ اٹھاتے ہوئے واپس افغان بارڈر کی طرف فرار ہو گئے تاہم دہشتگردوں کے ٹھکانے سے اسلحہ برآمد کر لیا گیا ہے۔ سی ٹی ڈی کے مطابق ہلاک دہشتگردوں کا تعلق کالعدم تنظیم داعش سے ہے اور ہلاک 3 دہشتگردوں کی شناخت اکرام اللہ، مرسلا خان اور ارشاد کے ناموں سے ہوئی ہے۔ فرار دہشتگردوں کی گرفتاری کیلئے سرچ آپریشن جاری ہے۔ ترجمان سی ٹی ڈی کا کہنا ہے کہ دہشتگرد ضلع خیبر میں کارروائی کی منصوبہ بندی کئے ہوئے تھے۔

دوسری جانب سی ٹی ڈی کی موبائل پر دستی بم حملہ کیا گیا، حملہ تھانہ بڈھ بیر کےعلاقے ناگ بند میں کیا گیا۔ ذرائع کے مطابق جس وقت سی ٹی ڈی کی موبائل کو دستی بم حملے کا نشانہ بنایا گیا اس وقت علاقے میں خفیہ اطلاع پر سرچ آپریشن کیا جا رہا تھا۔ دستی بم حملے کی اطلاع ملتے ہی علاقہ پولیس اور سی ٹی ڈی افسران و اہلکاروں کی بڑی تعداد فوری طور پر جائے وقوع پر پہنچی اور زخمیوں کو علاج معالجے کے لیے اسپتال منتقل کیا۔

This website uses cookies to improve your experience. We'll assume you're ok with this, but you can opt-out if you wish. Accept Read More