تازہ ترین
گلوکار ابرارالحق نے کورونا کو شکست دے دی

گلوکار ابرارالحق نے کورونا کو شکست دے دی

لاہور: (24 جون 2020) گلوکار ابرارالحق نے کورونا کو شکست دے دی۔ گلوکار نے سماجی رابطہ کی ویب سائٹ ٹوئٹر پرمداحوں کو اس خبر سے آگاہ کرتے ہوئے کہا کہ الحمداللہ میرا کورونا ٹیسٹ منفی آگیا ہے۔

معروف گلوکار اور رہنما پاکستان تحریک انصاف نے سوشل میڈیا ویب سائٹ کے ذریعے کورونا وائرس کو شکست دینے کا اعلان کردیا۔ اپنے ٹوئیٹر پیغام میں انہوں نے کہا کہ اللہ کا شکر ہے کہ ان کا کورونا ٹیسٹ منفی آیا ہے۔ قرنطینہ کے بعد آج پہلا دن ہے جب میں نے دفتر میں جا کر اپنی ذمہ داریاں ادا کی ہیں۔

انہوں نے کہا کہ مشکل وقت میں صحت و تندرستی کی دعائیں کرنے والوں کا دل سے شکریہ ادا کرتا ہوں۔ دعا ہے کہ اللہ تعالیٰ باقی مریضوں کو بھی جلد صحتیاب کریں۔

Comments are closed.

Scroll To Top