پشاور میں خاتون کے ہاں بیک وقت چھے بچوں کی پیدائش

پشاور: صوبہ خیبرپختونخواہ کے دارالحکومت میں قائم لیڈی ریڈنگ اسپتال میں خاتون کے ہاں بیک وقت چھے بچوں کی پیدائش ہوئی ہے۔

تفصیلات کے مطابق پشاور کے لیڈی ریڈنگ اسپتال میں خاتون نے 6 بچوں کو جنم دیا ہے جن میں 5 لڑکیاں اور ایک لڑکا شامل ہے۔ تمام بچے صحت یاب ہیں۔

اسپتال انتظامیہ نے بتایا کہ تمام بچے صحتیاب ہیں۔ خاتون کا تعلق خیبرپختونخوا کے ضلع مہمند سے ہے۔

گزشتہ سال جون میں راولپنڈی کے بینظیر بھٹو اسپتال میں خاتون کے ہاں بیک وقت چار بچوں کی پیدائش ہوئی تھی جن میں تین بیٹیاں اور ایک بیٹا شامل تھا۔

This website uses cookies to improve your experience. We'll assume you're ok with this, but you can opt-out if you wish. Accept Read More