پی آئی اے نے حج فلائٹ آپریشن کا اعلان کردیا

اسلام آباد: قومی ایئرلائن نے حج فلائٹ آپریشن کا اعلان کردیا۔

پی آئی اے سرکاری و پرائیوٹ 40ہزار سے زائد عازمین کو حجاز مقدس پہنچائے گی۔پی آئی اے کی پہلی پرواز 6جون کو اسلام آباد سے مدینہ کیلئے روانہ ہوگی۔ انتظامیہ کے مطابق پی آئی اے اپنے پری اور پوسٹ حج آپریشن میں 400پروازیں آپریٹ کرے گی۔200پروازوں کے ذریعے عازمین کو حجاز مقدس پہنچایا جائیگا۔

پی آئی اے حکام کے مطابق پی آئی اے اسلام آباد،کراچی ، لاہور ،ملتان اور کوئٹہ سے عازمین کو حجاز مقدس پہنچائے گی۔200پروازوں کے ذریعے حجاج کرام کی وطن واپسی ہوگی۔

پی آئی اے بوئنگ777اور کوئٹہ کیلئے ایئربس 320طیارے استعمال ہوں گے۔ انتظا میہ کا کہنا ہے کہ پی آئی اے 15جون تک عازمین کو مدینہ اور15سے3جولائی تک عازمین کو جدہ پہنچائے گی۔وزارت مذہبی امور کی جانب سے فلائٹ شیڈول نہ دینے کی وجہ سے حج آپریشن تاخیر کا شکار ہوا۔

This website uses cookies to improve your experience. We'll assume you're ok with this, but you can opt-out if you wish. Accept Read More