پیپلز پارٹی کے ایم این اے جام عبدالکریم پاکستان پہنچ گئے

کراچی: ناظم جوکھیو قتل کیس میں نامزد ملزم اور پیپلز پارٹی کے رکن قومی اسمبلی جام عبدالکریم پاکستان پہنچ گئے۔

ذرائع کے مطابق جام عبدالکریم غیر ملکی پرواز سے کراچی پہنچے۔ انہیں تحریک عدم اعتماد میں ووٹ ڈالنے کے لیے پاکستان بلایا گیا ہے۔ جام عبدالکریم ناظیم جوکھیو قتل کیس میں سندھ ہائیکورٹ سے تین اپریل تک حفاظتی ضمانت پر ہیں۔ جبکہ ناظم جوکھیو کی بیوہ نے گذشتہ روز جام عبدالکریم سمیت تمام ملزمان کو معاف کرتے ہوئے کیس واپس لینے کا اعلان بھی کر دیا ہے۔

ویڈیو بیان میں ناظم جوکھیو کی بیوہ شیریں جوکھیو نے کہا کہ میں بہت مجبور ہوں، میرے گھر والوں نے میرا ساتھ چھوڑ دیا ہے، اپنے بچوں کی خاطر میں نے سب ملزمان کو معاف کر رہی ہوں۔ شیریں جوکھیو نے کہا ہے کہ میں نے فیصلہ اللّٰہ تعالی پر چھوڑا ہے، جنہوں نے میرا ساتھ دیا میں ان کی شکر گزار ہوں ،سب کو بتانا چاہتی ہوں کہ میں مزید نہیں لڑسکتی۔

This website uses cookies to improve your experience. We'll assume you're ok with this, but you can opt-out if you wish. Accept Read More