سینیٹر شیری رحمان کا گورنر خیبرپختونخوا سے مستعفی ہونے کا مطالبہ

اسلا م آباد: نائب صدر پیپلز پارٹی سینیٹر شیری رحمان نے گورنر خیبر پختونخواہ سے مستعفی ہونے اوروفاقی حکومت سے صدارتی نظام سے متعلق گورنر کے بیان کی وضاحت کا مطالبہ کردیا۔

سینیٹر شیری رحمان نے کہا کہ‏ گورنر خیبر پختونخواہ شاہ فرمان کا صدارتی نظام نافذ کرنے متعلق بیان قابل مذمت ہے،وفاقی حکومت گورنر خیبر پختونخواہ کے بیان کی وضاحت دے،ان کا صدارتی نظام کے حق میں بیان غیر جمہوری اور غیر آئینی ہے۔

شیری رحمان نے کہا کہ گورنر آئینی اور پارلیمانی عہدہ ہے، تحریک انصاف کی جماعت کا نہیں، پی ٹی آئی اب ثابت کرنے میں مصروف ہے کہ ان کو نظام اچھا نہیں ملا، کل کو کہیں گے ہم کو حکومت کرنے کیلئے ملک بھی اچھا نہیں ملا، حکومت اپنی نااہلی اور ناکامی کا ملبہ پارلیمانی نظام پر ڈال کر بری الذمہ نہیں ہو سکتی۔

This website uses cookies to improve your experience. We'll assume you're ok with this, but you can opt-out if you wish. Accept Read More