میں کبھی سوچ بھی نہیں سکتا اس مقدس جگہ لوگوں کو آوازیں کسنے کی ہدایت دوں

لاہور: چئیرمین تحریک انصاف عمران خان کا مسجد نبویﷺ واقعے کے ایک روز بعد رد عمل سامنے آگیا۔

سابق وزیر اعظم عمران خان کا کہنا ہے کہ میں کبھی سوچ بھی نہیں سکتا اس مقدس جگہ لوگوں کو آوازیں کسنے کی ہدایت دوں۔ ان کا کہنا ہے کہ کوئی عاشق رسولﷺ ایسا کرنے کا سوچ بھی نہیں سکتا ۔ میرا عقیدہ ہے رسول سے عشق نہ ہو تو ایمان مکمل نہیں ہوتا۔

انہوں نے کہا ہے کہ مدینہ میں جب یہ واقعہ ہوا تو ہمارے کارکن شب دعا منا رہے تھے۔ میں نے پوری دنیا میں اسلامو فوبیا کے خلاف آواز بلند کی۔ ان کا کہنا ہے کہ انہوں نے بیرونی سازش کا حصہ بن کر حکومت کو گرایا۔ سازش کے تحت این آر او ٹو دیا گیا، کرپٹ ترین لوگوں کو مسلط کیا گیا۔

انہوں نے کہا ہے کہ مدینہ میں جو ہوا وہ ان کے اعمال کا نتیجہ ہے۔یہ عوام کا رد عمل ہے ، ملکی تاریخ میں پہلے کبھی اس طرح عوام نہیں نکلے۔یہ کوئی کر نہیں رہا ، لوگ تکلیف میں نکل رہے ہیں ، عوام میں غصہ ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More