عوام کے جان ومال کا تحفظ ریاست کی اولین ذمہ داری ہے، عثمان بزدار

لاہور: وزیراعلیٰ پنجاب سردار عثمان بزدار نے کہا ہے کہ عوام کے جان ومال کا تحفظ ریاست کی اولین ذمہ داری ہے،ریاست اپنی یہ ذمہ داری ہر صورت نبھائے گی۔

وزیراعلیٰ پنجاب سردار عثمان بزدار کی زیرصدارت اجلاس میں وزیر قانون راجہ بشارت، معاون خصوصی حسان خاور،چیف سیکریٹری، آئی جی سمیت دیگر افسران نے شرکت کی۔ اجلاس میں امن و امان کی صورتحال کا تفصیلی جائزہ لیا اور عوام کے جان و مال کے تحفظ کیلئے کیے گئے اقدامات پر تفصیلی غور کیا گیا۔

اس موقع پر وزیراعلیٰ عثمان بزدار نے صوبے میں امن عامہ کے قیام کیلئے ہرممکن اقدامات اٹھائے کی ہدایت کرتے ہوئے کہا کہ راستوں کی بندش کی وجہ سے عوام کو جو تکلیف اٹھانا پڑی،ذاتی طور پر معذرت خواہ ہوں، معمولات زندگی کو متاثر کرنے کی اجازت نہیں دی جاسکتی۔

وزیراعلیٰ پنجاب نے کہا کہ عوام کے جان ومال کا تحفظ ریاست کی اولین ذمہ داری ہے اور ریاست اپنی یہ ذمہ داری ہر صورت نبھائے گی۔

This website uses cookies to improve your experience. We'll assume you're ok with this, but you can opt-out if you wish. Accept Read More