آج کا دن کشمیری عوام کے ساتھ بھرپور یکجہتی کا دن ہے، فیاض الحسن

لاہور: وزیر جیل خانہ جات پنجاب فیاض الحسن چوہان نے کہا ہے کہ آج کا دن کشمیری عوام کے ساتھ بھرپور یکجہتی کا دن ہے، کشمیر کی خصوصی حیثیت بدل کر مودی سرکار نے جدوجہد آزادی کو ناکام بنانا چاہا لیکن دنیا نے دیکھا کہ جرات مند کشمیری عوام کے حوصلے پست نہ ہوئے۔

صوبائی وزیر جیل خانہ جات پنجاب فیاض الحسن چوہان نے یوم سیاہ کے حوالے سے اپنے بیان میں کہا ہے کہ مسئلہ کشمیر پر موجودہ حکومت سے پہلے کسی نے اتنی کامیاب سفارتکاری نہیں کی، وزیرِ اعظم عمران خان نے عالمی سطح پر بھارتی ریاستی دہشتگردی کا پردہ چاک کر دیا ہے ،مسئلہ کشمیر پر پاکستان کی پالیسی دو ٹوک اور واضح ہے۔ پاکستانی عوام ہر فورم پر کشمیری عوام کے شانہ بشانہ کھڑی رہے گی۔

فیاض الحسن چوہان کا کہنا تھا کہ کشمیر کی خصوصی حیثیت بدل کر مودی سرکار نے جدوجہد آزادی کو ناکام بنانا چاہا،لیکن دنیا نے دیکھا کہ جرات مند کشمیری عوام کے حوصلے پست نہ ہوئےَ۔

This website uses cookies to improve your experience. We'll assume you're ok with this, but you can opt-out if you wish. Accept Read More