سندھ حکومت کا 11 ہزار بند اسکول کھولنے کا اعلان

کراچی: سندھ حکومت نے 11 ہزار بند اسکول کھولنے کا اعلان کردیا۔

سندھ کے وزیر تعلیم سردار شاہ نے کہا ہے کہ حکومت صوبے میں بند 11 ہزار سرکاری اسکول کھولنے جا رہی ہے۔ یہ اسکول اساتذہ کی کمی کے باعث بند تھے۔ اب یکم اگست سے انہیں کھول دیا جائے گا۔ ان اسکولوں میں فرنیچز نہیں ہے جو اگست سے پہلے پہنچا دیا جائے گا۔

سندھ اسمبلی میں اظہار خیال کرتے ہوئے انہوں نے کہا کہ صوبے میں 41 ہزار سرکاری پرائمری اسکول ہیں۔ ان میں سے 5 ہزار غیر فعال اسکول ہیں۔ یہ اسکول ہمارے گلے میں آگئے ہیں۔ ایک ایک گاؤں میں 20 ، 20 اسکول ہمارے گلے میں پڑے ہیں۔ ان کا بوجھ خزانے پر پڑ رہا ہے۔

صوبائی وزیر نے کہا کہ سندھ کے سرکاری اسکولوں میں ساڑھے سات سو میوزک ٹیچر بھرتی کیے جائیں گے۔ انہوں نے کہ کہ صوبے میں 65 لاکھ بچے اسکول سے باہر ہونے کے اعداد و شمار درست نہیں۔ یہ تعداد 40 سے 45 لاکھ کے درمیان ہے۔

ان کا کہنا ہے کہ ہمارا ٹارگٹ 5 ہزار اسکولوں اپ گریڈ کرنا ہے ۔ بچوں کو اسکولوں میں رکھنا چاہتے ہیں۔ ہمارے پاس کوئی بھی سائنس میوزیم نہیں ہے ۔صرف اسلام آباد میں سائنس میوزیم ہے۔ ہر ڈویژنل ہیڈکوارٹر میں سائنس میوزیم۔بنانے کی اسکیم دے چکے ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More