بجلی دو روپے 86 پیسے فی یونٹ مہنگی ہوگئی

اسلام آباد: عید سے پہلے عوام کو بڑا جھٹکا مل گیا۔ نیپرا نے بجلی 2 روپے 86 پیسے فی یونٹ مہنگی کرنے کی منظوری دے دی۔ صارفین پر28 ارب 90 کروڑ روپے سے زائد کا بوجھ پڑے گا۔

اضافہ مارچ کی ماہانہ فیول ایڈجسٹمنٹ کی مد میں کیا گیا ہے، نیپرا اتھارٹی اعدادوشمارکا جائزہ لینے کے بعد تفصیلی فیصلہ جاری کرے گی۔ نیپرا حکام کا کہنا ہے کہ مارچ میں مقامی کوئلے، گیس اور ایل این جی سے بجلی کم پیدا کی گئی، میرٹ آرڈر کی خلاف ورزی سے پینتیس کروڑ روپے کا اضافی بوجھ پڑا۔

ایل این جی کی قلت کے باعث چونتیس کروڑ، بہتر صلاحیت والے پلانٹس نہ چلانے سے 90 لاکھ روپے کا بوجھ پڑا۔

This website uses cookies to improve your experience. We'll assume you're ok with this, but you can opt-out if you wish. Accept Read More