وزیر ریلوے اعظم سواتی الیکشن کمیشن کے سامنے پیش

اسلام آباد: وزیر ریلوے اعظم سواتی الیکشن کمیشن کے سامنے پیش ہوگئے۔ اعظم سواتی کے معاون وکیل نے الیکشن کمیشن سے مہلت طلب کرلی۔

الیکشن کمیشن ممبر نثار درانی کی سربراہی میں دو رکنی بنچ نے اعظم سواتی کے سنگین الزامات کے معاملے پر سماعت کی۔ معاون وکیل نے موقف اپنایا کہ شوکاز نوٹس کا جواب دینے کے لیے ایک مہینہ کا وقت دیا جائے، بیرسٹر علی ظفر اسلام آباد میں موجود نہیں، وہ اعظم سواتی کی جانب سے جواب داخل کرینگے۔

الیکشن کمیشن نے کہا کہ ایک مہینہ بہت زیادہ ہے، 15 دن کے اندر شوکاز نوٹس کا جواب دیں۔ الیکشن کمیشن نے سماعت 11 نومبر تک ملتوی کر دی۔

This website uses cookies to improve your experience. We'll assume you're ok with this, but you can opt-out if you wish. Accept Read More