پی ٹی آئی رہنما جہانگیر ترین کی طبیعت ناساز، طبی چیک اپ کیلئے لندن چلے گئے

لاہور: رہنما تحریک انصاف جہانگیر ترین طبعیت کی ناسازی کے باعث چیک اپ کے لئے لندن چلے گئے۔ رہنما ترین گروپ عون چوہدری کا کہنا ہے جہانگیر ترین نے روانگی سے قبل گروپ کو متحد اور رابطے میں رہنے کا پیغام دیا ہے۔

جہانگیر ترین لاہور سے گزشتہ رات برطانیہ روانہ ہوئے۔ جہانگیر ترین ایک ہفتہ لاہور کے نجی اسپتال میں زیر علاج رہے۔ کچھ روز قبل طبعیت بہتر ہونے ہر وہ اسپتال سے گھر منتقل ہوئے۔ اب جہانگیر ترین لندن میں اپنا چیک اپ کروائیں گے۔ وہ ایک ہفتہ لندن میں رہیں گے۔ جہانگیر ترین اس سے پہلے بھی برطانیہ میں علاج اور چیک اپ کے لئے جاتے رہے ہیں۔

عون چوہدری کے مطابق جہانگیر ترین نے جانے سے پہلے گروپ کے لئے پیغام دیا ہے کہ وہ چیک اپ کے لئے جار ہے ہیں، تمام دوست متحد اور رابطے میں رہیں۔ جہانگیر ترین کی بیماری پر حکومتی اور اپوزیشن رہنماؤں نے ان کے لیے نیک خواہشات کا اظہار کیا ہے اور جلد صحت یابی کی دعا کی ہے۔ یاد رہے شہباز شریف اور آصف علی زرداری نے نیک تمناؤں کے اظہار کے ساتھ جہانگیر ترین کے لئے پھول بھی بھجوائے تھے۔

This website uses cookies to improve your experience. We'll assume you're ok with this, but you can opt-out if you wish. Accept Read More