پاکستان میں لوٹی دولت کو واپس دلانا مشکل کام ہے، چیئرمین نیب

لاہور: چیئرمین نیب جسٹس ریٹائرڈ جاوید اقبال نے کہا ہے کہ کرپشن نے ملک کو برباد کر دیا، پاکستان میں لوٹی دولت کو واپس دلانا مشکل کام ہے۔

نیب ہیڈکواٹر لاہور نجی ہائوسنگ سوسائٹی کے متاثرین میں چیک تقسیم کرنے کی تقریب سے خطاب میں چیئرمین نیب جسٹس ریٹائرڈ جاوید اقبال نے کہا کہ نیب کا کسی سیاسی پارٹی یا گروہ سے کوئی تعلق نہیں، کچھ لوگوں کی سیاست نیب کی وجہ سے زندہ ہے، چائے کی پیالی میں طوفان برپا کیا گیا کہ ریکوری کہاں گئی۔

چئیرمین نیب نے مزید کہا کہ نیب کا مکمل آڈٹ 3 دفعہ ہو چکا ہے، کچھ لوگ نیب افسران کی رشوت لینے کی بات کرتے ہیں، ثبوت لے آئیں کارروائی کیلئے تیار ہیں۔ جسٹس ریٹائرڈ جاوید اقبال نے کہا کہ گزشتہ 4 سال کے دوران 1270 ریفرنس مختلف عدالتوں میں دائر ہوئے، نیب کیسز کے ریفرنسز کا فیصلہ کرنا میرے اختیار میں نہیں، یہ عدالتوں کا کام ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More