بین الاقوامی تنظیموں اور مالی اداروں کا سیلاب متاثرین کیلئے 50 کروڑ ڈالرز سے زائد کی فوری امداد کا اعلان

اسلام آباد: بین الاقوامی تنظیموں اور مالی اداروں نے سیلاب و بارش متاثرین کے لیے 50 کروڑ ڈالرز سے زائد کی فوری امداد کا اعلان کیا ہے۔

بین الاقوامی تنظیموں اور مالی اداروں کی جانب سے یہ اعلان پاکستان مسلم لیگ (ن) کے مرکزی صدر اور وزیراعظم میاں شہباز شریف کی جانب سے کی جانے والی اپیل پر کیا گیا ہے۔

بین الاقوامی تنظیموں اور مالی اداروں نے وزیراعظم کی جانب سے سیلاب متاثرین کی بحالی کے اقدامات پر مکمل اعتماد کا بھی اظہار کیا ہے۔

وزیراعظم میاں شہباز شریف نے کیے جانے والے اعلان پر کہا ہے کہ عالمی اداروں کی مشکل میں پھنسے پاکستانیوں کی مدد کے اقدام کا خیر مقدم کرتا ہوں، حکومت سیلاب متاثرین کے فوری بحالی کے لیے تمام وسائل بروئے کارلا رہی  ہے۔

انہوں نے کہا کہ حکومت نے مشکل معاشی صورتحال میں فلڈ ریلیف کیش پروگرام شروع کیا ہے، حکومت ترجیحی بنیادوں پر متاثرین کے ریسکیو اور ریلیف کے لیے آپریشن کر رہی ہے۔

وزیرِ اعظم میاں شہباز شریف نے واضح کیا کہ ریسکیو کے بعد سیلاب متاثرین کی بحالی اور انفرا اسٹرکچر کی تعمیر پر کام کریں گے۔

This website uses cookies to improve your experience. We'll assume you're ok with this, but you can opt-out if you wish. Accept Read More