معیشت کی بحالی پر حملہ برداشت نہیں ہو گا، مریم اورنگزیب

اسلام آباد: وزیر اطلاعات مریم اورنگزیب کا کہنا ہے کہ معیشت کی بحالی پر کوئی حملہ برداشت نہیں ہوگا۔حکومت کی جانب سے ہراقدام اِن شرپسندوں اورفسادیوں سےعوام کوبچانےکےلیےکیاجارہا ہے۔

وزیراطلاعات مریم اورنگزیب نے کہا ہے کہ لاہور میں پولیس اہلکار کمال احمد پر فائرنگ کرکے سُرخ لکیر پار کی گئی ہے۔ میڈیا سیاسی سرگرمیوں کی کوریج کرے لیکن شرپسندی، تشدد اور دہشت پھیلانے کی سرگرمیوں کا بائیکاٹ کرے۔ ان کا کہنا ہے کہ پاکستان کو تباہ کرکے جانے والوں کو مزید تباہی پھیلانے کی اجازت نہیں دی جاسکتی۔ معیشت اور عوام کا ریلیف ایک نکاتی ایجنڈا ہے، اس پر کوئی سمجھوتہ ہوگا نہ اس پر حملہ برداشت کریں گے۔

انہوں نے کہا ہے کہ وزیراعظم شہبازشریف معیشت اور عوام کی حفاظت کرنے کے دوٹوک ارادے کا اظہار کرچکے ہیں۔معیشت کی بحالی اورعوام کےریلیف کےراستے میں سرخ لکیرکھینچ دی ہے۔ ان کا کہنا ہے کہ معیشت جب بھی ٹیک آف کرنےلگتی ہے،عمران خان راستے کی رکاوٹ بنتےہیں۔سی پیک آیا،شی جن پنگ نےپاکستان آنے کا اعلان کیاتودھرنےکااعلان ہوگیاتھا۔

انہوں نے کہا کہ آج معیشت کی بحالی کاآغازکیاہےکوئی مداخلت برداشت نہیں کی جائےگی۔ عوام کوفیصلہ کرناہےکہ فسادٹولےکے ساتھ کھڑاہوناہےیا ملک کی تعمیر کےساتھ۔۔حکومت کی جانب سے ہراقدام اِن شرپسندوں اورفسادیوں سےعوام کوبچانےکےلیےکیاجارہا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More