حریت رہنما یاسین ملک کو فوری رہا کیا جائے

اسلام آباد: وزیر خارجہ بلاول بھٹو زرداری نے کہا ہے کہ حریت رہنما یاسین ملک کو فوری رہا کیا جائے اور اہلخانہ سے ملاقات کی اجازت دی جائے۔

وزیر خارجہ بلاول بھٹو زرداری نے حریت رہنما یاسین ملک کی اسیری اور سزا کے خلاف بات کرتے ہوئے کہا کہ یاسین ملک کے خلاف بے بنیاد الزامات پر بھارتی عدالتی فیصلے کی مذمت کرتا ہوں۔ انہوں نے کہا کہ یاسین ملک مقبوضہ کشمیر کی نمایاں آواز ہیں اور ہم یاسین ملک کی رہائی کا مطالبہ کرتے ہیں۔ یاسین ملک کے خلاف بے بنیاد الزامات کو ختم کیا جائے۔

بلاول بھٹو نے کہا کہ یاسین ملک کو فی الفور رہا کیا جائے اور یاسین ملک کو اجازت دی جائے کہ وہ اپنے خاندان سے مل سکیں۔ انہوں نے کہا کہ بھارت کو چاہیے کہ وہ تمام سیاسی قیدیوں کو رہا کرے اور بھارت مقبوضہ کشمیر میں انسانی حقوق کی خلاف ورزیوں کو بند کرے۔

This website uses cookies to improve your experience. We'll assume you're ok with this, but you can opt-out if you wish. Accept Read More