ملتان میں تین روزہ پولیو مہم کا آغاز

ملتان: پولیو مہم کا ٖآغاز ہو گیا، تین روزہ مہم کے دوران 5 سال تک کی عمر کے سات لاکھ سے زائد بچوں کو پولیو کے قطرے پلائے جا رہے ہیں جس کیلئے 3 ہزار سے زائد ٹیمیں تشکیل دی گئی ہیں۔

ملک کے دیگر علاقوں کی طرح ملتان میں بھی پولیو مہم کا آغاز ہو گیا۔ ڈپٹی کمشنر نے سی ای او ہیلتھ کے ہمراہ بچوں کو پولیو کے قطرے پلاکر مہم کا آغاز کیا۔ پولیو مہم کے دوران سات لاکھ سے زائد بچوں کو پولیو سے بچاو کے قطرے پلائے جائیں گے جس کے لئے 3 ہزار سے زائد ٹیمیں تشکیل دے دی گئی ہیں۔

محکمہ صحت حکام کے مطابق ریلوے اسٹیشن بس اڈوں اور شہر کے داخلی و خارجی راستوں پر خصوصی ٹیمیں بھی تعینات کی گئی ہیں، محکمہ صحت نے شہریوں سے اپیل کی ہے کہ 5 سال سے کم عمر تمام بچوں کو قطرے پلائیں۔

This website uses cookies to improve your experience. We'll assume you're ok with this, but you can opt-out if you wish. Accept Read More