بلدیاتی ترمیم کے بل پر اپوزیشن سے بات کی تھی، آغا سراج درانی

کراچی: احستاب عدالت میں پیشی کے موقعے پر اسپیکر سندھ اسمبلی کا کہنا تھا کہ ہم نے بلدیاتی ترمیم کے بل پر اپوزیشن سے بات کی تھی۔ اپوزیشن بات نہیں کرنا چاہتی تو کیا کریں، صوبے کے خاطر مل بیٹھ کر بات کریں۔

احتساب عدالت میں اسپیکر سندھ اسمبلی آغا سراج درانی و دیگر کیخلاف آمدن سے زائد اثاثے بنانے کا ریفرنس کی سماعت ہوئی۔ اسپیکر سندھ اسمبلی آغا سراج درانی و دیگر ملزمان احتساب عدالت میں پیش ہوئے نیب کے گواہ اظہر عدالت میں پیش نہ ہو سکے۔ عدالت نے آئندہ سماعت پر نیب کے گواہ کو حاضری یقینی بنانے کی ہدایت کرتے ہوئے سماعت 4 جنوری تک ملتوی کردی۔

اس موقع پرمیڈیا میں اسپیکر سندھ اسمبلی کا کا کہنا تھا کہ بلدیاتی ترمیم بل کو ابھی تک صحیح سے نہیں دیکھا ہے، ہم نے بلدیاتی ترمیم کے بل پر اپوزیشن سے بات کی تھی، اپوزیشن بات نہیں کرنا چاہتی تو کیا کریں صوبے کے خاطر مل بیٹھ کر بات کریں۔

آغا سراج درانی کا مزید کہنا تھا کہ بل میں ترمیم ہو تو مزید ترامیم کی بھی گنجائش رہتی ہے، اپوزیشن حکومت سے رابطہ کرنا چاہے تو معاونت کرسکتا ہوں۔

اسپیکر سندھ اسمبلی آغا سراک درانی کا مزید کہنا تھا کہ کے پی میں بلدیاتی انتخابات میں کامیابی پر جمعیت علمائے اسلام ف کو مبارکباد پیش کرتا ہوں، سندھ میں بلدیاتی الیکشن کا اعلان ہوگا تو پیپلز پارٹی بھرپور تیاری کرے گی

This website uses cookies to improve your experience. We'll assume you're ok with this, but you can opt-out if you wish. Accept Read More