شوکت ترین کی سینیٹر بنانے کی راہ ہموار، سینیٹر ایوب آفریدی کا استعفیٰ منظور

اسلام آباد: مشیر خزانہ شوکت ترین کو سینیٹر بنانے کی راہ ہموار ہو گئی ، چیئرمین سینیٹ صادق سنجرانی نے سینیٹر ایوب آفریدی کا استعفیٰ قبول کر لیا۔

مشیر خزانہ شوکت ترین کو وزیر اعظم نےوفاقی وزیر بنایا تھا لیکن رکن قومی اسمبلی یا رکن سینیٹ نہ ہونے کےباعث مشیر خزانہ زیادہ سے زیادہ اس عہدے پر چھ ماہ تک رہ سکتے تھے، چھ ماہ کی مدت مکمل ہونے کے بعد شوکت ترین وزیر کا عہدہ مزید نہیں رکھ سکتے تھے ، جس کے باعث انہیں وزیر اعظم نے مشیر خزانہ بنادیا۔

شوکت ترین کو وزیر خزانہ بنانے کیلئے انہیں سینیٹ کا رکن منتخب کرنےکیلئے پاکستان تحریک انصاف نے اپنے سینیٹر ایوب آفریدی کو سینیٹ کی سیٹ سے مستعفی ہونے کا کہا تھا جس پر انہوں نے اپنا استعفیٰ چیئرمین سینیٹ کوپیش کیا تھا۔ جو آج قبول کرلیا گیا۔

This website uses cookies to improve your experience. We'll assume you're ok with this, but you can opt-out if you wish. Accept Read More