تازہ ترین
انڈونیشیا میں دیوقامت مردہ وہیل مچھلی بہہ کر ساحل پر آگئی

انڈونیشیا میں دیوقامت مردہ وہیل مچھلی بہہ کر ساحل پر آگئی

جکارتہ: (23 جولائی 2020) انڈونیشیا میں دیوقامت مردہ وہیل مچھلی بہہ کر ساحل پر آگئی۔ حیرت انگیز مناظر کو دیکھنے کیلئے شہریوں کی بڑی تعداد سمندر پہنچ گئی۔ مردہ مچھلی سوشل میڈیا پر بھی توجہ کا مرکز بنی ہوئی ہے۔

انڈیشیا کے شہر کیپنگ کے ساحل پر اچانک 23 میٹر لمبی مردہ وہیل مچھلی نظر آئی، مقامیوں نے ان مناظر کو کیمرے کی آنکھ سے قید کرکے ویڈیوز سوشل میڈیا پر شیئر کردیں۔ رپورٹ کے مطابق متعلقہ ادارے کو وہیل کی موت کی وجہ تاحال معلوم نہ ہوسکی۔

محکمہ آبی مخلوقات کا کہنا ہے کہ ساحل پر نظر آنے والے مچھلی بلیو وہیل ہے۔ وہیل مچھلیاں دنیا کی سب سے بڑی آبی مخلوقات میں شمار ہوتی ہیں جن کا وزن تقریباً 200 ٹن کے قریب ہوتا ہے اور لمبائی 32 میٹرز سے زائد بھی ہوسکتی ہے، بلیو ہیل 80 سے 90 سال تک جیتی ہیں۔

Comments are closed.

Scroll To Top