ایل این جی کارگو کی تاخیر سے حالیہ گیس بحران مزید بدتر ہو جائے گا

اسلام آباد: نائب صدر پیپلز پارٹی سینیٹر شیری رحمان نے گیس بحران پر تشویش کا اظہار کیا ہے۔

ایک ٹوئٹ میں سینیٹر شیری رحمان نے کہا کہ ‏اطلاعات ہیں کہ سنگاپور کی کمپنی پاکستان کو دس جنوری کو ایل این جی کارگو نہیں ڈلیور کرسکے گی، نومبر میں بھی یہ کمپنی کارگو فراہم نہیں کرسکی تھی، حکومت وضاحت کرے ڈیفالٹ کمپنی کے ساتھ دوبارہ کیسے معاہدہ کیا گیا؟۔

شیری رحمان نے کہا کہ پہلے ہی انکی نااہلی کی وجہ سے ملک میں گیس کا شدید بحران ہے،‏ جنوری میں گیس کی طلب سب سے زیادہ ہوتی ہے، ایک ایل این جی کارگو کی تاخیر سے حالیہ گیس بحران مزید بدتر ہو جائے گا، تاریخ کی مہنگی ترین ایل ان جی خریدنے کے باوجود تباہی سرکار گیس کی فراہمی کو یقینی نہیں بنا سکی، گھریلو صارفین کے ساتھ صنعت کو بھی گیس کی فراہمی معطل ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More