بلدیاتی الیکشن میں کامیاب جے یو آئی امیدوار ہوائی فائرنگ کرتے ہوئے اپنی ہی گولی سے جاں بحق

پشاور: بلدیاتی الیکشن میں کامیابی کا جشن مناتے ہوئے جمعیت علماء اسلام (جے یو آئی ف) کا کامیاب امیدوار اپنی ہی گولی لگنے سے جاں بحق ہوگیا۔

واقعہ پشاور کے علاقے سوڑی زئی میں پیش آیا جہاں جے یو آئی کی ٹکٹ پر ولیج کونسل کی جنرل نشست جیتنے والا زکریا خان ہوائی فائرنگ کر رہا تھا۔ فائرنگ کے دوران زکریا خان اپنی ہی گولی کا نشانہ بن کر شدید زخمی ہوا جس پر اسے اسپتال منتقل کیا گیا جہاں ڈاکٹرز نے اس کی موت کی تصدیق کردی، پولیس نے واقعہ کے حوالے سے تحقیقات کا آغاز کردیا ہے۔

پولیس ذرائع کا کہنا ہے کہ زکریا خان کے لواحقین نے قانونی کارروائی اور مقدمہ درج کرانے سے انکار کردیا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More