آج کا دن دونوں جہانوں کیلئے مبارک ترین دن ہے، فیاض الحسن

لاہور: وزیرجیل خانہ جات پنجاب فیاض الحسن چوہان نےکہا ہے کہ آج کا دن دونوں جہانوں کیلئے مبارک ترین دن ہے،نبی آخر الزماں صلی اللہ علیہ وسلم کی آمد سے جہالت کے ایک تاریک دور کا خاتمہ ہوا۔

وزیرِ جیل خانہ جات پنجاب فیاض الحسن چوہان نےعید میلاد النبی صلی اللہ علیہ والہ وسلم کے حوالے سے پیغام میں کہا کہ آج کا دن دونوں جہانوں کے لیے مبارک ترین دن ہے،اللہ پاک نے آپ صلی اللہ علیہ وسلم کو ہر دو جہاں کے لیے رحمت بنا کر بھیجا۔

انہوں نے کہا کہ آج ہمارے معاشرے کو آپ صلی اللہ علیہ والہ وسلم کے بتائے ہوئے اخلاق حسنہ کی اشد ضرورت ہے،اخوت، صلہ رحمی، برداشت، باہمی رواداری سے ہمارا معاشرہ مثالی بن سکتا ہے۔

فیاض الحسن چوہان کا کہنا تھا کہ ہمیں نبی کریم صلی اللہ علیہ والہ وسلم کے اخلاق حسنہ کی تصویر بن کر دنیا کو اسلام کا اصل چہرہ دکھانا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More