توشہ خانہ اور ممنوع فنڈنگ عمران خان کا کچھ نہیں بگاڑ سکتی، شیخ رشید

راولپنڈی: سابق وزیر داخلہ شیخ رشید احمد نے کہا ہے کہ توشہ خانہ اور ممنوع فنڈنگ عمران خان کا کچھ نہیں بگاڑ سکتی۔

سابق وزیر داخلہ شیخ رشید احمد نے سماجی رابطے کی ویب سائٹ ٹوئٹر پر لکھا کہ سیاسی پریشر ککر سیاسی چولھے سے نہ ہٹایا تو پھٹ جائے گا اور وزیر خزانہ مفتاح اسماعیل عالمی مالیاتی ادارے (آئی ایم ایف) کا ترجمان ہے جس سے پرچون فروش بھی محفوظ نہیں۔

انہوں نے کہا کہ بےبس ترین وزیر اعظم کو اپنی پارٹی، بی اے پی اور ایم کیو ایم بھی آنکھیں دکھا رہی ہے جبکہ یہ 70 کی دہائی نہیں ہے۔ توشہ خانہ اور ممنوع فنڈنگ عمران خان کا کچھ نہیں بگاڑ سکتی۔

شیخ رشید احمد نے الزام عائد کرتے ہوئے کہا کہ حکمران مرکز میں پرویز الہٰی کے خلاف سازش تیار کر رہے ہیں جبکہ پرویز الہٰی کے خلاف عدم استحکام رابطے کے پل اور ڈائیلاگ کو ختم کر دے گا۔

انہوں نے کہا کہ غریب بجلی کے بل یا گھر کے کرائے میں سے ایک چیز ادا کر سکتا ہے اور سارے ملک کو غریب کا مذبح خانہ بنا دیا گیا ہے۔ عمران خان 21 تاریخ کو لیاقت باغ میں جلسہ کریں گے۔

This website uses cookies to improve your experience. We'll assume you're ok with this, but you can opt-out if you wish. Accept Read More