پشاور میں تھانے پر دستی بم سے حملہ، 3 اہلکار زخمی

پشاور: خیبر پختونخوا کے شہر پشاور کے تھانہ پھندو پر دستی بم حملے میں 3 اہلکار زخمی ہو گئے۔

پولیس کے مطابق نامعلوم افراد کی جانب سے تھانے پر دستی بم حملہ کیا گیا تاہم خوش قسمتی سے کوئی جانی نقصان نہیں ہوا تاہم تھانے کو جزوی نقصان پہنچا ہے۔ زخمی ہونے والے اہلکاروں کی عمریں 30 سے 45 سال کے درمیان ہیں جن کی حالت خطرے سے باہر ہے۔

حملہ آوروں نے دو دستی بم تھانے کی حدود میں پھینکے اور فرار ہو گئے۔ واقعے کی اطلاع ملتے ہی دیگر تھانوں کی نفری اور گشت پر مامور پولیس کی ٹیمیں جائے وقوعہ پر پہنچ گئیں جبکہ بم ڈسپوزل اسکواڈ کو بھی طلب کر لیا گیا جس نے دستی بموں کی تصدیق کی۔

پولیس کے مطابق واقعے سے متعلق شواہد اکھٹے کر کے تفتیش کی جاری ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More