خیبرپختونخوا میں اومی کرون تیزی سے پھیلنے لگا

پشاور: خیبر پختونخوا میں کورونا ویرینٹ اومی کرون تیزی سے پھیلنے لگا، گزشتہ 24 گھنٹوں میں اومی کرون کی مزید 10 نئے کیسز سامنے آگئے۔ مردان میں ایک اسکول اومی کرون کے باعث بند کر دیا گیا۔

خیبر پختونخوا میں اومی کرون کے پھیلاؤ میں مزید تیزی آگئی۔ صوبے میں گزشتہ 24 گھنٹوں میں اومی کرون کی مزید 10 نئے کیسز سامنے آگئے جس کے بعد کیسز کی تعداد بڑھ کرایک سو آٹھارہ ہو گئی۔ نئے کیسز میں پانچ کا تعلق پشاور سے ہے۔

نئے کیسز میں سات مرد اور تین خواتین شامل ہیں۔ متاثرہ افراد میں زیادہ تعداد پشاور میں بسنے والوں کی ہے جو 57 ہے۔ اومی کرون سے متاثرہ افراد کی عمریں 25 سے 50 سال کے درمیان ہیں۔ کرونا کی پانچویں لہر اومی کرون نے بڑے عمر کے لوگوں کے علاوہ کم عمر افراد کو بھی اپنی لپیٹ میں لینا شروع کیا ہے۔

محکمہ تعلیم نے اومی کرون کا کیس سامنے آنے پر لیبر کالونی مردان کا اسکول دس دن کیلٸے بند کردیا ہے۔ محکمہ صحت کے مطابق زیادہ تر کیسز پوش علاقوں کے درمیانے عمر کے لوگوں میں سامنے آئے ہیں۔ اومی کرون سے بچاؤ کا واحد حل احتیاط اور ویکسینیشن ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More