آئی ایم ایف کے ایگزیکٹو بورڈ کا اجلاس 28 جنوری کو طلب

اسلام آباد: آئی ایم ایف کے ایگزیکٹو بورڈ کا اجلاس 28 جنوری کو طلب کرلیا گیا ہے۔ اجلاس میں پاکستان کیلئے 6ارب ڈالر قرض پروگرام کی بحالی کی منظوری دی جائے گی۔

آئی ایم ایف ایگزیکٹو بورڈ کا اجلاس واشنگٹن میں ہوگا۔ اجلاس میں پاکستان کو قرض کے دو اقساط کی یکمشت اجرا کی منظوری دی جائے گی۔ منظوری کی صورت میں پاکستان کو ایک ارب ڈالر ملیں گے، آئی ایم ایف نے پاکستان کو بھی اجلاس کے شیڈول سے متعلق آگاہ کر دیا ہے۔

اجلاس میں پاکستان کی مجموعی معاشی کارکردگی کا جائزہ بھی لیا جائے گا۔ پاکستان نے آئی ایم ایف کی بعض شرائط پوری کرنے کیلئے مزید مہلت بھی مانگی ہے۔

اجلاس میں پاکستان کو شرائط پوری کرنے کیلئے نئی ڈیڈ لائنز دی جائیں گی ۔ پاکستان اور آئی ایم ایف کے درمیان قرض پروگرام 21 ماہ سے تعطل کا شکار ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More