بجلی کی قیمتوں میں ایک بار پھر اضافے کا امکان

اسلام آباد: بجلی صارفین کے لیے ایک اور بری خبر آ گئی۔ بجلی کی قیمت میں 7 روپے 96 پیسے فی یونٹ اضافے کا امکان ہے۔

سینٹرل پاور پرچیزنگ کمپنی کی جانب سےمئی کی ماہانہ فیول پرائس ایڈجسٹمنٹ کی مد میں درخواست دائر کر دی گئی۔ نیپرا 27 جون کو درخواست پر سماعت کرےگا۔ سی سی پی اے کے مطابق مئی میں فرنس آئل سے 8.80 فیصد بجلی پیدا کی گئی۔

فرنس آئل سے 33روپے 67 پیسے فی یونٹ بجلی پیدا ہوئی۔ مقامی گیس سے 10 فیصد درآمدی ایل این جی سے 22.89 فیصد بجلی پیدا کی گئی۔ مئی میں پانی سے 24.50 فیصد بجلی پیدا کی گئی ۔ مئی کے لیے ریفرنس لاگت 5 روپے 93 پیسے فی یونٹ مقررتھی۔

This website uses cookies to improve your experience. We'll assume you're ok with this, but you can opt-out if you wish. Accept Read More