ناظم جوکھیو قتل کیس: کیس کا عبوری چالان عدالت میں پیش

کراچی: ناظم جوکھیو قتل کیس میں اہم پیش رفت ہوئی ہے۔ تفتیشی افسر کی جانب سے کیس کا عبوری چالان عدالت میں پیش کردیا گیا۔ ایم این اے جام عبدالکریم کو مفرور ملزموں کی فہرست میں شامل کرلیا گیا ہے۔

جوڈیشل میجسٹریٹ ملیر کی عدالت میں ناظم جوکھیو قتل کیس کی سماعت کے دوران ایم پی اے جام اویس سمیت چھ ملزموں کو پیش کیا گیا، جام اویس کو ہتھکڑی لگائے پیش کرنے پر مدعی وکیل نے اعتراض کردیا جس پر جیل حکام نے بتایا کہ ملزم کو بی کلاس دی گئی ہے۔

تفتیشی افسر کی جانب سے کیس کا عبوری چالان کیا گیا جس پر عدالت نے فریقین سے 20 دسمبر کو دلائل طلب کرلیے ہیں۔ مرکزی کیس کی سماعت 30 دسمبر تک ملتوی کی گئی ہے۔ وکیل مدعی مظہر جونیجو کا کہنا ہے کہ پولیس چالان میں ایم این اے جام عبدالکریم کو مفرور قرار دیا گیا ہے۔

وکیل کا مزید کہنا ہے کہ انکی پوری کوشش ہوگی کہ ملزموں کو پھانسی کی سزا ہو ان پر لگائے گئے تمام الزامات جھوٹے ثابت ہوئے ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More