سندھ اور پنجاب میں کورونا پابندیوں میں نرمی

کراچی: عالمی وبا کورونا کے کیسز میں کمی کے بعد سندھ اور پنجاب میں کورونا پابندیوں میں نرمی کر دی گئی ہے۔

سندھ اور پنجاب کے اضلاع کے لاک ڈاون میں نرمی کا نوٹیفکیشن جاری کر دیا گیا ہے۔ نوٹیفکیشن کے مطابق پنجاب مارکیٹ اور کاروباری مراکز 10 بجے تک کھل سکیں گے۔ پنجاب اور سندھ بھر میں ہفتہ کے ساتوں دن کاروباری معمولات بحال رہیں گے۔ ہوٹلز اور ریسٹورنٹس میں انڈور ڈائننگ کی 50فیصد گنجائش کی اجازت ہوگی۔

ویکسی نیٹڈ افرادرات 12بجےتک ہوٹلز اور ریسٹورنٹس میں جاسکتے ہیں۔ انڈور شادیوں کی تقریبات کی اجازت صرف 300 ویکسی نیٹڈ افراد کی گنجائش کے ساتھ ہوگی۔ آؤٹ ڈور شادیوں میں 500 ویکسی نیٹڈ افراد کی اجازت ہو گی۔ سندھ میں آوٹ ڈور تقریبات میں ایک ہزار ویکسینٹڈ افراد شرکت کر سکیں گے۔ تمام مزارات مکمل ویکسی نیٹڈ افراد کے لیے کھلیں رہیں گے۔

سینما گھر مکمل ویکسینٹڈ افراد کےلیے کھلے رہیں گے۔ نوٹیفکیشن میں یہ بھی کہا گیا ہے کہ سندھ بھر میں اب امیوزمنٹ پارکس اور سوئمنگ پولز کھولے جا سکتے ہیں۔پبلک ٹرانسپورٹ اور ریلوے کیلئے ایس او پیز کے ساتھ 70 فیصد مسافروں کی اجازت ہوگی۔

نوٹیفکیشن کے مطابق ضلعی انتظامیہ صورت حال کا جائزہ لے کر محدود لاک ڈاؤن لگانے مجاز ہوگی۔ دونوں صوبوں میں پابندیوں کا نوٹیفکیشن اکتیس اکتوبر تک لاگو ہوگا۔ آئندہ حکم تک ماسک پہننے کی پابندی برقرار رہے گی۔

This website uses cookies to improve your experience. We'll assume you're ok with this, but you can opt-out if you wish. Accept Read More