تازہ ترین
مقبوضہ کشمیر:  سرچ آپریشن کے دوران بھارتی فوج پر حملہ، 2 اہلکار شدید زخمی

مقبوضہ کشمیر: سرچ آپریشن کے دوران بھارتی فوج پر حملہ، 2 اہلکار شدید زخمی

سری نگر: (15 ستمبر 2020)مقبوضہ کشمیر کے ضلع پلوامہ میں بھارتی فوج کے اہلکاروں پر سرچ آپریشن کے دوران حملہ کیا گیا ہے جس کے نیتجے میں 2 اہلکار شدید زخمی ہوگئے۔

کشمیر میڈیا سروس کے مطابق ضلع پلوامہ میں قابض بھارتی فوجیوں نے داخلی و خارجی راستوں کو بند کرکے سرچ آپریشن کیا جس کے دوران نامعلوم حملہ آوروں نے بھارتی فوج کی گاڑی پر دھاوا بول دیا۔

بھارتی فوج نے بھی جوابی فائرنگ کی تاہم حملہ آوروں کی فائرنگ سے دو اہلکار شدید زخمی ہوگئے جس کے بعد مزید نفری کو طلب کیا گیا ہے۔ زخمی اہلکاروں کو قریبی ملٹری اسپتال منتقل کردیا گیا ہے جہاں ایک زخمی کی حالت نازک بتائی جارہی ہے۔

بھارتی فوج کی مزید نفری نے علاقے کو محاصرے میں لے لیا ہے اور سرچ آپریشن تاحال جاری ہے۔ زخمی ہونے والے اہلکاروں کی شناخت ظاہر نہیں کی گئی ہے۔

Comments are closed.

Scroll To Top