پاکستان اور ویسٹ انڈیز کے درمیان دوسرا ٹی 20 میچ آج کھیلا جائے گا

لاہور: ویسٹ انڈیز اور پاکستان کے درمیان دوسرا ٹی 20 میچ آج کھیلا جائے گا۔ پہلے ٹی 20 میچ گرین شرٹس نے مہمان وِنڈیز کو تریسٹھ رنز سے ہرا کر تین ٹی 20 میچز کی سیریز میں ایک صفر کی برتری حاصل کر لی۔

نیشنل اسٹیڈیم کراچی میں آج زور کا جوڑ پرے گا، دوسرے ٹی 20میں پاکستان اور ویسٹ انڈیز آمنے سامنے ہوں گے۔ پہلے میچ میں شاہینوں نے اونچی پرواز کی، مہمان ٹیم کو تریسٹھ رنز کی شکست کا سامنا کرنا پڑا، قومی ٹیم نے پہلے بیٹنگ کرتے ہوئے چھ وکٹ کے نقصان پر دو سو رنز بنائے، اوپنر محمد رضوان نے اٹھہتر رنز کی شاندار اننگز کھیلی۔

حیدر علی نے بھی مہمان بولرز پر بھرپور لاٹھی چارج کیا ، 6 چوکوں ، 4 چھکوں کی مدد انتالیس گیندوں پر اڑسٹھ رنز بنا کر میچ کے بہترین کھلاڑی قرار پائے۔ دو سو ایک رنز کے پہاڑ جیسے ہدف کا تعاقب کرتے ہوئے مہمان کیربینزانیس اوور میں ایک سو سینتیس رنز پر ڈھیر ہوگئے۔

محمد وسیم نے چار شکار کیے ،شاداب خان نے تین مہرے کھسکائے۔ تین ٹی 20 میچز کی سیریز میں قومی ٹیم کو ایک صفر کی برتری حاصل ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More