دہشتگردوں کا پاک ایران سرحد پر سیکیورٹی فورسز کی چوکی پر حملہ

کوئٹہ: دہشت گردوں نے بلوچستان کے عبدوئی سیکٹر میں پاک ایران سرحد پر سکیورٹی فورسز کی چوکی پر حملہ کر دیا، فائرنگ کے تبادلے میں لانس نائیک ظہیر احمد شہید ہو گئے، دہشت گردوں کو جوابی کارروائی میں شدید نقصان پہنچا۔

آئی ایس پی آر کے مطابق دہشت گردوں کے ایک گروہ نے بلوچستان کے عبدوئی سیکٹر میں پاک ایران سرحد پر سکیورٹی فورسز کی ایک چوکی پر حملہ کیا، شدید فائرنگ کے تبادلے کے دوران نوشکئی سے تعلق رکھنے والے لانس نائیک ظہیر احمد بہادری سے لڑتے ہوئے شہید ہو گئے۔

سیکیورٹی فورسز کی فرار ہونے والے دہشت گردوں کے خلاف جوابی کارروائی میں انہیں شدید نقصان پہنچا، آئی ایس پی آر کے مطابق پاکستان کی سکیورٹی فورسز دشمن عناصر کی ایسی کارروائیوں کو شکست دینے کے لئے پرعزم ہیں، دہشت گردوں کا مقصد بلوچستان کے امن، استحکام اور ترقی کو متاثر کرنا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More