جاپان میں آج پارلیمنٹ کی تحلیل اور نئے انتخابات کا اعلان متوقع

ٹوکیو: جاپان کے وزیراعظم کی جانب سے آج پارلیمنٹ کی تحلیل اور نئے انتخابات کا اعلان متوقع ہے۔

وزیراعظم فُومیو کیشیدا نے 4 اکتوبر کو اعلان کر دیا تھا کہ 31 اکتوبر کو الیکشن کرائے جائیں گے۔ سابق وزیر خارجہ فُومیو کِیشِیدا کو اکتوبر میں ہی ملک کا نیا وزیراعظم منتخب کیا گیا۔ انہیں اسی ماہ حکمراں جماعت لبرل ڈیموکریٹک پارٹی کا سربراہ بھی چنا گیا تھا۔ انہوں نے اپنی پہلی تقریر میں کہا تھا کہ ابھی کورونا وبا میں کمی آ رہی ہے اس لیے یہ موقع انتخابات کے لیے بہترین ہے۔

جاپان کی موجودہ پارلیمنٹ کی معیاد21 اکتوبر تک مکمل ہو رہی ہے تاہم کورونا وبا اور دیگر مسائل کے باعث نئے الیکشن کی تاریخ کے اعلان میں مسلسل تاخیر کی ہو رہی تھی۔

جاپان کے سابق وزیر اعظم یوشی ہیڈے سُوگا نے اقتدار سنبھالنے کے دو سال بعد گزشتہ ماہ ہی استعفیٰ دے دیا تھا جس کے بعد پارٹی اور حکومتی سربراہ کے طور پر 64 سالہ فُومیو کِیشِیدا کا انتخاب کیا گیا۔

This website uses cookies to improve your experience. We'll assume you're ok with this, but you can opt-out if you wish. Accept Read More