لاہور میں ڈینگی کے مزید 19 نئے کیسز رپورٹ

لاہور: پنجاب بیماریوں کی لیپٹ سے نکلنے لگا، کورونا کے بعد ڈینگی کیسز میں بھی واضع کمی ریکارڈ کی گئی ہے، 24 گھنٹوں کے دوران کورونا کے 47 جبکہ ڈینگی کے 19 نئے کیسز رپورٹ ہوئے ہیں۔

پنجاب میں کورونا وائرس کے ساتھ ڈینگی کیسز میں مسلسل کمی کا رجحان جاری ہے۔ محکمہ صحت کے مطابق 24 گھنٹوں کے دوران صوبے بھر سے مزید 47 افراد میں کورونا کی تصدیق ہوئی جس کے بعد ابتک مہلک وائرس سے متاثر ہونے والے افراد کی مجموعی تعداد 443896 تک جا پہنچی ہے جبکہ مزید ایک مریض زندگی کی بازی ہارگیا۔

سرکاری اعداد و شمار کے مطابق سب سے زیادہ 31 کیسز لاہور سے سامنے آئے ہیں جبکہ مجموعی شرح 0.3 ریکارڈ کی گئی۔ دوسری جانب سردی کی شدت میں اضافہ ہونے کے ساتھ ہی ڈینگی مچھر اپنی موت آپ مرنے لگا، 24 گھنٹوں کے دوران صوبہ بھر سے ڈینگی کے 19 مریض رپورٹ ہوئے جن میں 13افراد کا تعلق لاہور سے ہے۔

اسی طرح بہاولنگر، گوجرانولہ اور فیصل آباد، قصور، سرگودھا اور شیخوپورہ سے ڈینگی وائرس کا ایک مریض رپورٹ ہوا ہے، صوبہ بھر کے سرکاری اسپتالوں میں ابھی بھی ڈینگی کے 291 مریض زیرعلاج ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More