جعلی حج بکنگ کی شکایات، وزارتِ مذہبی امور نے شہریوں کو خبردار کردیا

اسلام آباد: جعلی حج بکنگ کی شکایات ملنے پر وزارتِ مذہبی امور نے شہریوں کو خبردار کردیا۔

ایک بیان میں وزارت مذہبی امورنے شہریوں سے کہا ہے کہ وہ حج کی بکنگ کیلئے کسی کو پیسے مت دیں ابھی تک حج پالیسی 2022 کا اعلان نہیں ہوا، نہ ہی کسی کو حج بکنگ کی اجازت دی گئی ہے۔

عوام الناس حج کے نام پر فراڈ کرنے والوں سے ہوشیار رہیں، حج کے خواہشمند وزارت کی جانب سے باقاعدہ اعلان کا انتظار کریں۔ حج کے نام پر فراڈ کرنے والے جعلسازوں کے خلاف قانونی کارروائی کی جائے گی۔

This website uses cookies to improve your experience. We'll assume you're ok with this, but you can opt-out if you wish. Accept Read More